चिखलगावात रानडुकरांकडून भात शेतीचे नुकसान

कोळवण, ता. ३ ः चिखलगाव (ता. मुळशी) येथे रानडुकरांनी भात शेतात उच्छाद मांडला आहे. गावात डोंगराच्या पायथ्याशी व गावाच्यावर असणाऱ्या भात शेतीचे यामुळे मोठ्या प्रमाणात नुकसान झाले आहे.
रात्रीच्या वेळी रानडुक्कर भात शेतात येऊन सर्व शेतीत तुडवतात. यामुळे भाताच्या लोंब्यांमधील दाणे जमिनीवर पडत आहेत व पेंढा वाया जात आहे. त्यामुळे काढणीस आलेले भात पीक वाया जात आहे. वनविभागाच्या वतीने पिकाची पाहणी करण्यात यावी व याबाबत कृषी विभागाच्या वतीने पंचनामे करून नुकसान भरपाई मिळावी, अशी मागणी शेतकरी मारुती फाले, वाघु फाले, दत्ता सातपुते, नारायण फाले यांनी केली आहे.

02636