कोळवणला २५० कुटुंबांना अन्नधान्य किटचे वाटप

कोळवण, ता. ८ ः कोळवण परिसरातील काशिग, वाळेण, कोळवण, नांदगाव व अंबडवेट येथील २५० आदिवासी कुटुंबांना अन्नधान्य किटचे वाटप करण्यात आले. या किटमध्ये पाच किलो गहू, पाच किलो तांदूळ, गोडेतेल पिशवी, साखर, तूर डाळ, चहा पावडर, हळद, मसाले यांचा समावेश होता. जनकल्याण युवा फाऊंडेशनचे संस्थापक अध्यक्ष संतोष पेरणेकर यांच्या वतीने हे वाटप झाले. यापुढील काळात येथील आदिवासी कुटुंबांची नियमितपणे आरोग्य तपासणी करण्यासाठी शिबिरही आयोजित करण्यात येणार असल्याचे संतोष पेरणेकर यांनी सांगितले. यावेळी माजी सभापती रविंद्र कंधारे, सुनील वाडकर, सचिन अमराळे, शशिकांत नागरे, नीता नागरे, माजी सरपंच रमेश नागरे, पोलिस पाटील अशोक नागरे, पोपट दुडे आदी उपस्थित होते.