‘पुणे ग्रॅंड टूर’ची जिल्हाधिकारी करणार आज पाहणी

कोळवण, ता. ३ : ‘पुणे ग्रॅंड टूर चॅलेंज सायकल स्पर्धा २०२६’ जिल्ह्यात १९ ते २३ जानेवारी दरम्यान पार पडत आहे. या आंतरराष्ट्रीय स्तरावरील स्पर्धेसाठीची तयारी कशी सुरू आहे याची पाहणी व आढावा घेण्यासाठी जिल्हाधिकारी जितेंद्र डुडी सोमवारी (ता. ५) प्रत्यक्ष स्पर्धा मार्गाच्या ठिकाणी भेट देणार आहेत. यामध्ये सकाळी ही स्पर्धा ज्या ठिकाणी सुरू होणार आहे. तो स्पर्धेचा आरंभ बिंदू माण, हिंजवडी येथील टिसीएस सर्कल येथून पाहणी करत अकरा वाजता कुळे येथील श्रद्धा मंगल कार्यालयात अधिकाऱ्यांसमवेत आढावा बैठक घेऊन दुपारी १२ वाजता मावळ तालुक्यातील काले येथे शांताई गार्डनमध्ये तेथील अधिकाऱ्यांसमवेत आढावा बैठक घेतली जाणार आहे. शेवटी पिंपरी-चिंचवड येथील डॉ.डि.वाय.पाटील आंतरराष्ट्रीय इन्स्टिट्यूट आकुर्डी येथील स्पर्धेच्या अंतिम बिंदूची स्थळ पाहणी करणार आहेत. जिल्हाधिकारी हे पाहणी दरम्यान स्पर्धा मार्गांवरील रस्त्यांची स्थिती, रस्त्यांची दुरुस्ती, वाहतूक नियोजन, सुरक्षितता पाहणी तसेच वाहतूक नियंत्रण, बॅरिकेडींग, सुरक्षा उपाय, तात्पुरत्या संरचना, तसेच समन्वयाबाबत अधिकाऱ्यांना निर्देश देणार आहेत.