साठेसाई येथे आजपासून गाथा पारायण

कोळवण, ता. २४ : साठेसाई येथील तुकाराम महाराज मंदिरात जगदगुरू संत तुकाराम महाराज यांच्या त्रिशतकोत्तर अमृत महोत्सवी ३७६ व्या वैकुंठ गमन सोहळ्यानिमित्त रविवारी (ता. १) ते गुरुवार (ता. ५ मार्च) पर्यंत श्री संत ज्ञानेश्वर महाराज संगीत भाव कथेचे आयोजन करण्यात आले आहे. या कार्यक्रमात बुधवार (ता. २६) पासून ते बुधवार (ता. ४) पर्यंत दररोज सकाळी आठ ते बारा वाजेपर्यंत गाथा पारायण सायंकाळी हरिपाठ असे कार्यक्रम आयोजित करण्यात आले आहेत. तर रविवारपासून सायंकाळी सात ते रात्री साडेनऊ पर्यंत श्री संत ज्ञानेश्वर महाराज संगीत भावकथा होणार आहे. या कथेचे प्रवक्ते ओंकार महाराज दुडे शास्त्री हे असणार आहेत.