नवोदय परीक्षा अर्जासाठी
१५ फेब्रुवारीपर्यंत मुदतवाढ

नवोदय परीक्षा अर्जासाठी १५ फेब्रुवारीपर्यंत मुदतवाढ

शिक्रापूर, ता. ९ ः ३० जानेवारीपर्यंत मुदत असलेल्या केंद्र सरकारच्या नवोदय विद्यालयाच्या इयत्ता सहावी प्रवेश परीक्षेसाठीची अर्ज भरण्याची मुदत १५ फेब्रुवारीपर्यंत वाढविल्याची माहिती प्राचार्य बी. आर.खेडकर यांनी दिली.

जिल्ह्यातून साधारण साडेतेरा हजारांच्यावर इयत्ता पाचवीतील विद्यार्थी या परीक्षेसाठी दरवर्षी बसतात. वेबसाइट हॅंग होणे, काही तांत्रिक अडचणी येणे, ग्रामिण भागात अर्ज भरण्याची सुविधा उपलब्ध नसणे या अडचणींचा विचार करुन पुणे जिल्हाधिकारी अध्यक्ष असलेल्या नवोदय विद्यालय समितीने वरील अर्ज मुदतवाढीचा निर्णय घेतला असून, अजूनही ज्या विद्यार्थ्यांनी अर्ज भरलेले नसतील त्यांनी अर्ज भरण्याचे आवाहन खेडकर यांनी केले.

दरम्यान शिल्लक इयत्ता पाचवीच्या इच्छुक विद्यार्थ्यांसाठी प्रत्येक शाळेतील मुख्याध्यापकांनी पुन्हा सूचना कळवून अर्ज भरवून घेण्यासाठी पुढाकार घेण्याचेही आवाहन करण्यात आले. यावर्षीची परीक्षा २९ एप्रिल रोजी पुणे शहर-जिल्हा व पिंपरी चिंचवड येथील ३५ केंद्रांवर होणार असल्याचेही यावेळी सांगण्यात आले.
अर्ज भरण्यासाठी वेबसाइट : www.navodaya.gov
-----------------------
चार जागांची परीक्षा ११ फेब्रुवारीला
इयत्ता सहावीपासून ते आठवीपर्यंत जे विद्यार्थी नवोदय विद्यालयात दाखल होऊन विद्यालय सोडतात त्या रिक्त जागा इयत्ता नववीसाठी भरल्या जातात. यावर्षी या नववीसाठीच्या रिक्त जागा चार एवढ्या असून, सदर परीक्षा शनिवारी (ता. ११) पिंपळे-जगताप येथील नवोदय विद्यालयासह शेजारीच असलेल्या वसंतराव डावखरे विद्यालयात होणार आहे. सदर परीक्षेसाठी एकूण ६२८ विद्यार्थी परीक्षेला बसल्याचेही प्राचार्य खेडकर यांनी सांगितले.
-----------------------------

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com