बुरुंजवाडी येथे युवकाची गळफास घेऊन आत्महत्या

शिक्रापूर, ता. २८ ः बुरुंजवाडी (ता. शिरूर) येथील रोहन अंकुश पवार (वय २३, रा. पद्मावती वस्ती, बुरुंजवाडी) या युवकाने साडीच्या साहाय्याने राहत्या घरातच गळफास घेऊन आत्महत्या केल्याची घटना घडली आहे. याबाबत शिक्रापूर पोलिसांनी सांगितले की, बुरुंजवाडी येथील पुष्पा पवार या घरात स्वयंपाक करत असताना त्यांचा मुलगा रोहन घरात बसलेला होता. स्वयंपाक झाल्यावर पुष्पा मुलाला जेवायला बोलवायला गेल्या असता त्यांना रोहनने गळफास घेतल्याचे दिसून आले. दरम्यान, नागरिकांनी त्याला उपचारासाठी जवळील रुग्णालयात नेले असता, डॉक्टरांनी रोहनला उपचारापूर्वीच मृत्यू झाल्याचे घोषित केले. याबाबत अंकुश शिवाजी पवार (वय ५७, रा. पद्मावती वस्ती, बुरुंजवाडी) यांनी शिक्रापूर पोलिस ठाण्यात खबर दिल्याने पोलिसांनी रोहन याच्या आकस्मित मृत्यूची नोंद केली आहे. पुढील तपास पोलिस हवालदार कृष्णा व्यवहारे करीत आहेत.