शिक्रापूरचे कुंभार, शिंदे यांची पदोन्नती

शिक्रापूर, ता. १८ ः सहायक पोलिस उपनिरीक्षक पदावरून येथील विकास कुंभार व आजिनाथ शिंदे यांची सहायक पोलिस निरीक्षक (फौजदार) पदी नुकतेच पदोन्नती झाली.
पुणे ग्रामीण पोलीस दलातील तब्बल सत्तावीस पोलीस कर्मचारी हे सहाय्यक पोलीस उपनिरीक्षक पदाहून पोलीस उपनिरीक्षक पदावर पदोन्नती झाली. यातीलच शिक्रापूर पोलिस स्टेशनचे सहाय्यक पोलिस उपनिरीक्षक विकास कुंभार व आजिनाथ शिंदे यांना पोलीस उपनिरीक्षक पदावर पदोन्नती देण्यात आलेली असून पुणे ग्रामीण पोलीस अधिक्षक संदीप सिंह गिल यांनी याबाबतचे आदेश काढले आहेत.
शिक्रापूर पोलीस स्टेशनच्या पदोन्नती झालेल्या दोन्ही अधिकाऱ्यांचा उपविभागीय पोलीस अधिकारी प्रशांत ढोले, पोलीस निरीक्षक दिपरतन गायकवाड, सहाय्यक पोलीस निरीक्षक राहुल देशमुख, पोलीस उपनिरीक्षक महेश डोंगरे, सोमनाथ कचरे, विजय मस्कर, जितेंद्र पानसरे, वेरणनाथ मुत्तनवार यांनी विशेष सत्कार करुन दोघांचेही अभिनंदन केले.