पोलिस भरतीची तयारी करणाऱ्याची आत्महत्या

शिक्रापूर, ता. २० ः पोलिस भरतीची परीक्षा देण्याच्या तयारीसाठी येथील आपल्या एका मित्राच्या खोलीवर राहणाऱ्या युवकाने गळफास घेऊन आत्महत्या केल्याची घटना नुकतीच शिक्रापुरात घडली. या प्रकरणी शिक्रापूर पोलिसांनी आकस्मात मृत्यूची नोंद केली.
शिक्रापूर (ता. शिरूर) येथील रणजित साळुंखे याच्या खोलीवर पोलीस भरतीची परीक्षा देण्याची तयारी करण्यासाठी विरू काळे व आदित्य साळेकर हे दोघे गेल्या काही दिवसांपासून राहत होते. रविवारी (ता. १८) सायंकाळच्या सुमारास विरू याने शिक्रापुरातील राहत्या खोलीत दोरीने गळफास घेतल्याचे साळुंखे व साळेकर यांच्या निदर्शनास आले. याबाबत दोघांनीही शिक्रापूर पोलिसांना कळविले व विरू काळे याला पुढील उपचारासाठी रुग्णालयात दाखल केले. उपचारापूर्वीच डॉक्टरांनी विरू संजय काळे (वय २२, रा. मोळाचा ओढा, सैदापूर, ता. सातारा, जि. सातारा) याचा मृत्यू झाल्याचे घोषित केले. याबाबत विजय काळे यांनी शिक्रापूर पोलीस ठाण्यात माहिती दिल्याने पोलिसांनी अकस्मात मृत्यूची नोंद केली असून पुढील तपास पोलीस हवालदार बापू हाडगळे हे करत आहेत.