सणसवाडीत बेकायदा अतिक्रमण फलक

शिक्रापूर : सणसवाडी (ता. शिरूर) येथील ३३ गुंठे शेती क्षेत्रावर बेकायदा अतिक्रमण करून या जमिनीच्या व्यवहारासाठी स्वतःचा मोबाइल नंबर टाकून संपर्क करण्याचा फलक लावण्यावरून शिक्रापूर पोलिसांनी सणसवाडीतील रामदास दरेकर यांच्या गुन्हा दाखल केला आहे. मंदार श्रीनिवास मुदगल (वय ५३, रा.सुंदर व्हिला, प्रभात रोड, पुणे) यांनी तक्रार दिली आहे. मुदगल हे त्यांच्या सणसवाडी येथील जमीन गट नं.९१३/७ मध्ये आले असता त्यात बेकायदा अतिक्रमण करून जमिनीच्या व्यवहारासाठी एक जाहीर नोटीस लावलेली होती, असे तक्रार अर्जात नमूद केले आहे. पुढील तपास पोलिस निरीक्षक दिपरतन गायकवाड यांच्या मार्गदर्शनाखाली पोलिस नाईक एस. व्ही. होळकर हे करीत आहेत.