खालुंब्रे येथे टँकरमधून पामतेलाची चोरी

कुरुळी, ता.१० : खालुंब्रे (ता. खेड) येथे पामतेलाच्या टँकरमधून चालकानेच तेलाची परस्पर विक्री केली. ही घटना शनिवारी (ता. ८) पहाटे चार वाजताच्या सुमारास घडली. याप्रकरणी टँकर चालकासह तिघांना महाळुंगे एमआयडीसी पोलिसांनी अटक केली आहे. राम उजागीर यादव (वय ४०, रा. उत्तर प्रदेश), दुर्गाराम रूपाराम परमार (वय ६३, रा. निगडी), राजुराम बचनराम चौधरी (वय ४२, रा. निघोजे ता. खेड) अशी अटक केलेल्यांची नावे आहेत. चालकाने खोपोली येथे टँकरमध्ये पामतेल भरले. तो टँकर घेऊन जात असताना खालुंब्रे गावात अन्य दोन आरोपींच्या मदतीने २१० लिटर पामतेल चोरून काढले. याप्रकरणी अधिक तपास महाळुंगे एमआयडीसी पोलिस करीत आहेत.