वासुलीतील कंपनीत स्टोअर असिस्टंटकडून अपहार

कुरुळी, ता. ४ : वासुली (ता. खेड) येथील चाकण एमआयडीसी फर्निस अँड फाऊंडी इक्विपमेंट प्रा. लि.(फॅफेको) कंपनीमध्ये स्टोअर असिस्टंट पदावर कार्यरत असलेल्या कर्मचाऱ्याने विश्वासाचा गैरफायदा घेत २२ लाखांपेक्षा अधिक किमतीच्या साहित्याचा अपहार केला. बाजीराव शिवाजी टाळके ( वय ३९, रा. थेरगाव) असे गुन्‍हा दाखल झालेल्‍या आरोपीचे नाव आहे. याप्रकरणी प्रकाश विश्वनाय तौर ( वय ४४, रा. जांबे, पुनावळे) यांनी महाळुंगे एमआयडीसी पोलिस ठाण्‍यात फिर्याद दिली आहे. पोलिसांनी दिलेल्या माहितीनुसार, आरोपीने स्टोअर असिस्टंट म्हणून काम करताना मटेरियलची बनावट नोंद करून, सिक्युरिटी गार्डकडून चुकीच्या एंट्री करून घेतल्या. यामध्ये नोव्हेंबर २०२४ ते जुलै २०२५ या कालावधीत २२ लाख ३६ हजार २३८ रुपयांचे स्पेअर पार्ट्स गायब केले. कंपनीचे मोठे आर्थिक नुकसान होऊ नये म्हणून कर्मचाऱ्यांना दबावाखाली चुकीच्या नोंदी करायला लावल्या. महाळुंगे एमआयडीसी पोलिस तपास करीत आहेत.