फळपीक विमा योजनेसाठी पोर्टलवर अर्ज करा : हाके

काटेवाडी, ता. ७ : पुनर्रचित हवामान आधारित फळपीक विमा योजना आंबिया बहार सन २०२५-२६ करिता केळी, मोसंबी, पपई, संत्रा, आंबा व डाळिंब या पिकांसाठी सहभागी होण्यासाठी https://www.pmfby.gov.in या राष्ट्रीय फळ पीक विमा पोर्टलवर विहित मुदतीत अर्ज करावेत, असे आवाहन तालुका कृषी अधिकारी सचिन हाके यांनी केले आहे.
ही योजना पुणे जिल्ह्यात बजाज अलियान्झ जनरल इन्शुरन्स कंपनी लिमिटेड, पुणे मार्फत राबविण्यात येत आहे. योजनेत सहभागी होण्यासाठी द्राक्ष पिकासाठी १५ ऑक्टोबर- वडगाव निंबाळकर, पणदरे, माळेगाव, काटेवाडी, मोरगाव, शिर्सुफळ ही महसूल मंडळे समाविष्ट. केळी पिकासाठी ३१ ऑक्टोबर अंतिम मुदत-केळीसाठी वडगाव निंबाळकर, बारामती, माळेगाव बुद, काटेवाडी, पणदरे ही महसूल मंडळे समाविष्ट, आंबा पिकासाठी ३१ डिसेंबर अंतिम मुदत-आंबा पिकासाठी वडगाव निंबाळकर, बारामती, माळेगाव बुद्रुक, पणदरे, काटेवाडी, उंडवडी कप व शिर्सुफळ ही महसूल मंडळे समाविष्ट आहेत.