जळोचीत आढळला आठ फुटांचा अजगर
काटेवाडी, ता. ३ : जळोची (ता. बारामती) येथील जनावरे बाजाराजवळील जाळीत आठ फूट लांब आणि १० किलो वजनाचा अजगर अडकला होता. घटनेची माहिती मिळताच तातडीने सर्पमित्रांनी या ठिकाणी भेट देऊन अजगराची सुटका केली. या अजगराला सर्पमित्रांनी वनविभागाच्या ताब्यात दिले.
या बचाव मोहिमेत ग्रीन वर्ल्ड फाउंडेशनचे सर्पमित्र शाहरुख शेख आणि तुषार होले यांनी मुख्य भूमिका बजावली. ते घटनास्थळी पोहोचताच अजगराला शांतपणे हाताळले. एक तासाच्या प्रयत्नानंतर मोठ्या काळजीने त्यांनी जाळीतून अजगराला बाहेर काढले. यावेळी अमोल जाधव, सुहास भोसले, अमर कुचेकर आणि सुरेश गायकवाड यांची देखील मदत झाली.
अमोल जाधव यांनी सांगितले की, ‘‘हा इंडियन रॉक पायथॉन म्हणजे भारतीय खडक अजगर आहे. तो संरक्षित प्रजातीचा आहे. त्याला मारणे किंवा इजा करणे म्हणजे कायद्याने गंभीर गुन्हा आहे. आम्ही आतापर्यंत बारामतीत पाच वेळा असे अजगर वाचवले आहेत.’’
अजगराला तातडीने बारामती वनपरिक्षेत्र कार्यालयात नेले. वन अधिकारी अश्विनी शिंदे यांच्या देखरेखीखाली त्याला निर्जन ठिकाणी सोडण्यात आले.
01513
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.