बंधाऱ्यावरील ढापे काढण्याचे गणित कोलमडले
खुटबाव, ता. २३ : दौंड तालुक्यामध्ये मे व जून महिन्यात झालेल्या हंगामपूर्व पावसामुळे पाटबंधारे खात्याचे पारगाव (ता.दौंड) येथील भीमा नदीवरील कोल्हापूर पद्धतीच्या बंधाऱ्याचे ढापे काढण्याचे गणित कोलमडले आहे. दरवर्षी पावसाचा अंदाज घेऊन २० मे ते सात जूनपर्यंत ढापे काढले जातात. यावर्षी जुलै महिन्याचा शेवटचा आठवडा चालू असला तरी पाटबंधारे खात्याचे ढापे काढण्याचे काम अद्याप सुरूच आहे.
चालू वर्षी दौंड तालुक्यात मे व जून महिन्यामध्ये अभूतपूर्व पाऊस झाला. एकाच महिन्यामध्ये ३७५ मिलिमीटर पाऊस होण्याचा नवीन विक्रम तयार झाला. मे महिन्यातील या पावसामुळे भीमा नदीला पाणी आले. त्यामुळे नदीपात्राला पाण्याचा फुगवटा असल्याने पाटबंधारे खात्याच्या कर्मचाऱ्यांना बंधाऱ्याचे ढापे काढणे कठीण होऊन बसले आहे. कारण गेली दोन महिन्यांपासून भीमा नदीचे पाणी बंधाऱ्याच्या काठोकाठ भरून वाहत आहेत. पाण्याच्या वेगामुळे ढापे काढण्यास अडचणी येत आहेत. बंधाऱ्याची रुंदी अरुंद असल्याने येथे पोकलेन मशिन चालवता येत नाही. त्यामुळे पाटबंधारे विभागाचे कर्मचारी दिवस-रात्र कष्ट करून सध्या ढापे काढण्यात व्यस्त आहेत. यासंदर्भात सरपंच सुभाष बोत्रे म्हणाले की, ढापे न काढल्याने जलपर्णी सर्वदूर पसरली आहे. याशिवाय पाण्याच्या फुगवट्यामुळे शेजारील शेतजमिनी मध्ये पाणी गेले आहे. त्यामुळे गेली दोन महिन्यापासून जमिनीत पीक घेणे अशक्य झाले आहे. प्रशासनाने लवकरात लवकर ढापे काढावेत यासाठी पत्रव्यवहार केला आहे.
यंदा पावसाचे गणित चुकल्याने ढापे काढण्यास उशीर झाला. गेले तीन दिवस आमचे कर्मचारी ढापे काढत आहेत. बंधाऱ्याच्या दोन्ही बाजूचे ढापे काढले गेले असून मधल्या भागातील ढापे अद्याप काढणे बाकी आहे. लवकरच पाणी ओसरल्यानंतर ढापे काढले जातील.
- स्नेहल शेलार, शाखा अभियंता, पाटबंधारे विभाग
02683
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.