नानगावात ‘शिवमल्हार’ला बक्षीस

खुटबाव, ता. १८ : नानगाव (ता. दौंड) येथे छत्रपती शिवाजी महाराज चौकामध्ये झालेल्या दहीहंडी उत्सवामध्ये पिंपळगाव येथील शिवमल्हार प्रतिष्ठानने चार थर रचत दहीहंडी फोडून पहिल्या क्रमांकाचे ६३ हजार रुपयांचे बक्षीस पटकावले.
या कार्यक्रमाचे उद्‍घाटन जिल्हा बँकेचे संचालक रमेश थोरात यांच्या हस्ते झाले. स्पर्धेमध्ये शिवमल्हार प्रतिष्ठान पिंपळगाव, जयमल्हार प्रतिष्ठान पिंपळगाव व रासाई माता पथक नानगाव या संघांनी सहभाग घेतला. कार्यक्रमाचे संयोजन ॲड. नंदकिशोर शेलार, ईश्वर खळदकर व‌ हर्षल खळदकर यांनी केले. विजेत्यांना दौंड तालुका राष्ट्रवादी युवती महिला अध्यक्षा ॲड. आश्लेषा शेलार यांच्या वतीने बक्षीसे देण्यात आली. यावेळी ‘काळी मैना’ या ऑर्केस्ट्राने सादर केलेल्या गाण्यावर गोविंदा थिरकले.
या कार्यक्रमाला माजी जिल्हा परिषद सभापती राणी शेळके, जिल्हा दूध संघाचे संचालक राहुल दिवेकर, प्रदीप दिवेकर, खरेदी विक्री संघाचे सभापती शिवाजी ढमाले, सारिका भुजबळ, चंद्रकांत खळदकर, विश्वास भोसले, डॉ. भरत खळदकर, संदीप शेलार, अमोल नागवडे, हरिश्चंद्र खळदकर, मोहन गायकवाड, बाळकृष्ण गुंड, रवीकाका खळदकर, शरद रासकर, विजय खळदकर, दीपक खळदकर, विशाल शेलार, चैतन्य वाघोले, प्रफुल्ल शितोळे आदी उपस्थित होते. सोनबा ढमे यांनी सूत्रसंचालन केले.