खुटबाव येथे स्वामी समर्थ मंदिराचा जीर्णोद्धार

खुटबाव, ता.२९ : येथील श्री स्वामी समर्थ महाराज मंदिराच्या जीर्णोद्धारानिमित्त श्री स्वामी समर्थ महाराज मूर्तीचा प्राणप्रतिष्ठा व मंदिराचा कलशारोहणाचा सोहळा गुरुवारी (ता. २८) भक्तिमय वातावरणात पार पडला. त्यापूर्वी बुधवारी (दि. २७) खुटबाव गावातून स्वामी प्रतिमेची व पादुकांची मिरवणूक काढण्यात आली. जीर्णोद्धार करण्यासाठी स्वेच्छेने नऊ लाख रुपये लोकवर्गणी जमा झाली. श्री स्वामी समर्थ महाराज मंदिर व श्री दत्त मंदिराचे काम शिल्पकार हनुमंत कांगणे व दत्ता मुंडे यांनी साकारले.
स्वामींच्या मूर्तीची प्राणप्रतिष्ठा गुरुवर्य राहुल महाराज राऊत यांनी केली तर कलशारोहण आळंदीचे नाथ संप्रदायाचे बीकनाथ महाराज यांच्या हस्ते करण्यात आले. तर सोहळ्याचे पौराहित्य गणेश पांडव गुरुजी यांनी केले. त्यानंतर भाविकांना महाप्रसाद देण्यात आला. यावेळी भाविक मोठ्या संख्येने उपस्थित होत्या. श्री दत्त स्वामी समर्थ महाराज मंडळाच्या सेवेकर्‍यांनी हे काम पूर्णत्वाकडे नेण्यासाठी गेल्या सात महिन्यांपासून परिश्रम घेतले.संयोजन अनिल राजपुरे, डॉ. सुनील शितोळे, महादेव शेलार, वैभव फडतरे, दादा ताडगे, पप्पू थोरात, अविनाश थोरात, नरेश कदम, योगेश कदम, रमा अडागळे, शांताराम ढोले, शेखर भापकर , माधव टकले या सेवेकर्‍यांनी केले. कार्यक्रमाला जिल्हा बँकेचे संचालक रमेश थोरात , राजेंद्र ढमढेरे, सुदाम थोरात, प्रताप थोरात, बबन थोरात ,लक्ष्मण थोरात ,भुजंग थोरात, उमेश थोरात, शिवाजी थोरात, नवनाथ थोरात आदी मान्यवर उपस्थित होते.