थोरात महाविद्यालयात विविध कार्यक्रम

खुटबाव, ता. १६ : खुटबाव (ता. दौंड) येथील पोपटराव किसनराव थोरात महाविद्यालयात तीन दिवसीय‌ पारंपरिक सांस्कृतिक दिवस साजरे करण्यात आले. यावेळी विविध कार्यक्रम घेण्यात आले.
पहिला दिवस बॉलिवूड दिवस म्हणून साजरा करण्यात आला. या दिवशी विद्यार्थी विविध सिनेसृष्टीतील कलाकारांची वेषभूषा करून आले. कलाकारांचा अभिनय व आवाज काढत दिवस साजरा केला. दुसऱ्या दिवशी ट्रॅडिशनल डेच्या दिवशी पारंपरिक वेशभूषा पाहायला मिळाली,
तर तिसऱ्या दिवशी क्रीडा दिवस साजरा झाला. यानिमित्त विविध स्पर्धा घेण्यात आल्या. खो- खो, कबड्डी, क्रिकेट, बुद्धिबळ, रस्सीखेच या खेळांचा समावेश होता. या सांस्कृतिक दिवस कार्यक्रमासाठी महाविद्यालयाच्या प्राचार्य डॉ. रेखा पवार, संस्थेचे सचिव सूर्यकांत खैरे, खजिनदार अरुण थोरात, उपाध्यक्ष भाऊसाहेब ढमढेरे यांनी मार्गदर्शन केले. प्रा. क्षितिजा दीक्षित यांनी कामाची रूपरेषा आखली, तर प्रा. अर्चना मेमाणे, प्रा. सायली सय्यद, प्रा. योगिता दिवेकर, प्रा. काजल थोरात, डॉ. मनीषा सोडनवर, प्रा. दीप्ती सातव, प्रा. रणजित साठे यांनी मोलाचं सहकार्य केले. प्रा. अमोल चोरमले, प्रा. नानासाहेब टेंगले यांनी सूत्रसंचालन करून सर्वांचे आभार मानले.

03237