लोणी देवकरमध्ये शनिवारपासून हरिनाम सप्ताह

लोणी देवकर, ता. ७ : श्रीकृष्ण जन्मोत्सवानिमित्त लोणी देवकर (ता. इंदापूर) येथे शनिवारी (ता. ९) अखंड हरिनाम सप्ताह, ग्रंथराज ज्ञानेश्‍वरी पारायण सोहळा घेण्यात आला. लोणी देवकर येथील हनुमान मंदिर परिसरामध्ये अखंड हरिनाम सप्ताह घेण्यात येणार आहे. या निमित्ताने विविध धार्मिक कार्यक्रम होणार आहेत. दैनंदिन कार्यक्रमात काकडा, ज्ञानेश्‍वरी पारायण, सायंकाळी हरिपाठ, श्रीमत भागवत गाथा, जागर कार्यक्रम होणार आहेत. व्यासपीठ चालक म्हणून बीडचे प्रवीण सोळंके काम पाहणार आहेत. रात्री तेजस्विनी नलवडे (कर्जत), वैष्णवी धायगुडे (अकोले), परमेश्‍वरी परभणे, शिवचरित्रकार गौरी सांगळे (पंढरपूर), सागर बोराटे, अविनाश भारती, विनोदाचार्य सचिन ढोले (छत्रपती संभाजीनगर) यांची कीर्तने होणार आहेत. शनिवारी (ता. १६) स्वर्गभूषण आकाश गरगडे (मिरठेकर) यांच्या होणाऱ्या काल्याच्या कीर्तनाने सप्ताहाची सांगता होणार आहे. भाविकांनी कार्यक्रमाचा लाभ घ्यावा, अशी विनंती सप्ताह समितीच्या वतीने करण्यात आली आहे.