लोणी देवकर शाळेत विविध स्पर्धा

लोणी देवकर, ता. १९ ः स्वतंत्र पूर्व व स्वातंत्र्यानंतरही लोणी देवकर (ता. इंदापूर) येथील जिल्हा परिषद प्राथमिक शाळेने अशिक्षितांना शिक्षणाची बाराखडी गिरवायला लावली. पिढ्यान् पिढ्याचे भवितव्य उज्ज्वल करणाऱ्या या शाळेला २०२५- २६ या शैक्षणिक वर्षांमध्ये १०० वर्ष पूर्ण झाली. या शतकोत्तर वाटचालीनिमित्त शाळेत शताब्दी वर्ष महोत्सवाचे व विविध स्पर्धांचे आयोजन केले होते.
जिल्हा परिषद शाळेच्या प्रांगणात सरपंच कालिदास देवकर व प्रा. डॉ. विश्वासराव देवकर यांच्या हस्ते दीप प्रज्वलन करत कार्यक्रमाची सुरुवात करण्यात आली. यावेळी विद्यार्थी व शिक्षकांनी मनोगते व्यक्त केली. स्पर्धेतील विजेत्यांना मान्यवरांच्या हस्ते बक्षीस वितरण केले. यावेळी विद्यार्थ्यांना शालेय साहित्याचे वाटप करण्यात आले.
कार्यक्रम प्रसंगी शालेय समिती अध्यक्ष सुनील घाडगे, रामदास डोंगरे, संपत तोंडे यांनी आपली मनोगत व्यक्त केली. यावेळी उपसरपंच भारत गायकवाड, शरद देवकर, कैलास राखुंडे, शशिकांत देवकर, प्रगती विद्यालयाचे मुख्याध्यापक लहू जाडकर, अजित बनसोडे, सुनंदा भगत, रणजित जगताप, विजय डोंगरे, सचिन कुंभार, शिवाजी थोरात, बापूसाहेब घाडगे, रामस्वरूप तोंडे व अभिजित गायकवाड उपस्थित होते.
मुख्याध्यापक मोहन लोंढे यांनी मान्यवरांचे स्वागत केले. फातिमा शेख व काळे यांनी सूत्रसंचालन, तर सचिन डोंगरे यांनी आभार मानले.