मंचरला भरवस्तीत तीन दुकानातून चोरी

मंचर, ता. १० : मंचर (ता. आंबेगाव) शहराच्या पूर्वेला मुळेवाडी रस्त्यावर दोन मेडिकल दुकाने व कपड्याच्या दुकानाचे शटर उचकटून ६१ हजार ८५० रुपयांचा ऐवज चोरी करून नेला आहे. अज्ञात चोरट्याच्या विरोधात मंचर पोलिसांनी गुन्हा दाखल केला आहे. सदर घटना शनिवारी (ता. ८) पहाटे घडली.

याबाबत शिवबा मेन्सवेअर दुकानाचे मालक ज्ञानेश्वर कांताराम ढेरंगे (रा. एस कॉर्नर-मंचर) यांनी मंचर पोलिस ठाण्यात फिर्याद दाखल केली आहे. शिवबा मेन्सवेअर दुकान, अवनीश व स्वराज मेडीकल ही तीन दुकाने भरवस्तीत गजबजलेल्या ठिकाणी आहेत. रात्रीही या भागात नागरिक ये-जा करत असतात. याप्रकरणी पुढील तपास मंचर पोलिस ठाण्याचे पोलिस हवालदार सुदाम घोडे करत आहेत.
...............................