मंचरला डॉ. अमोल कोल्हे यांच्या नागरी सत्काराचे आयोजन

मंचर, ता. १० : शिरूर लोकसभा मतदारसंघातून सलग दुसऱ्यांदा खासदार डॉ. अमोल कोल्हे यांना जनतेने विक्रमी मताधिक्याने निवडून दिले. त्याबदल त्यांचा नागरी सत्कार आंबेगाव-शिरूर विधानसभा मतदारसंघातील नागरिकांच्या व महाविकास आघाडीच्यावतीने मंचर येथे छत्रपती शिवाजी महाराज चौकात मंगळवारी (ता. ११) संध्याकाळी ४ वाजता होणार आहे’, अशी माहिती शरदचंद्र पवार राष्ट्रवादी काँग्रेस पक्षाचे पुणे जिल्हा कार्याध्यक्ष देवदत्त निकम यांनी दिली.
मंचर कृषिउत्पन्न बाजार समिती पासून डॉ. कोल्हे यांच्या विजयी मिरवणुकीचे आयोजन केले आहे. त्यानंतर त्यांचा नागरी सत्कार होणार आहे. सदर कार्यक्रमास सर्वांनी मोठ्या संख्येने उपस्थित राहावे, असे आवाहन महाविकास आघाडीच्यावतीने निकम यांनी केले आहे.