आंबेगाव तालुका शेतमाल प्रक्रिया सहकारी संस्थेची निवडणुक बिनविरोध.

आंबेगाव शेतमाल प्रक्रिया संस्थेची निवडणूक बिनविरोध
मंचर, ता.१० : ‘‘आंबेगाव तालुका शेतमाल प्रक्रिया सहकारी संस्था संचालक मंडळाच्या १७ जागांसाठी पंचवार्षिक निवडणूक झाली. पण दोन जागांसाठी अर्ज न आल्याने उर्वरित १५ जागांची निवडणूक बिनविरोध झाली,’’अशी माहिती निवडणूक निर्णय अधिकारी शांताराम शेटे व सहाय्यक निवडणूक अधिकारी पी.बी. लोहार यांनी दिली.
उत्तर पुणे जिल्ह्यातील आंबेगाव, जुन्नर, खेड व शिरूर तालुक्यांचे संस्थेचे कार्यक्षेत्र आहे. १९८६ मध्ये स्थापना झाली असून, एकूण सभासद तीन हजार १५० आहेत. संस्थेच्या अनुसुचित जाती/भटक्या जमाती, विशेष मागास प्रवर्ग या जागांसाठी उमेदवारी अर्ज न आल्याने दोन जागा रिक्त राहिल्या आहेत.
बिनविरोध निवड झालेल्या सर्वसाधारण गटातील उमेदवारांची नावे (जागा नऊ) : भरत चिखले, रमेश खिलारी, सतीश रोडे, मनोहर सोमवंशी, नाथा घेवडे, विजय काळे, सुकाजी शिंदे, दत्तात्रेय कडूसकर व राजेंद्र शेवाळे. सहकार संस्था (जागा तीन) : बाळासाहेब बढेकर, संतोष डोंगरे व खंडू भोजणे. महिला राखीव (जागा दोन) : उज्ज्वला गावडे, राजश्री सैद इतर मागासवर्गीय (जागा एक) औंदुबर कोकणे.

नवनिर्वाचित संचालक मंडळाचा सत्कार आमदार दिलीप वळसे पाटील व आंबेगाव तालुका राष्ट्रवादी काँग्रेस पक्षाचे अध्यक्ष विष्णू हिंगे व पुणे जिल्हा सहकार बोर्डाचे संचालक गणपतराव इंदोरे यांच्या हस्ते करण्यात आला. यावेळी, माजी आमदार पोपटराव गावडे, बाजार समिती उपसभापती सचिन पानसरे व जेष्ठ नेते माउली गावडे उपस्थित होते.