मंचर पोलिसांशी साधा ‘हेल्पलाइन’वर संपर्क

मंचर, ता. १५ : मंचर (ता. आंबेगाव) पोलिस ठाणे येथे ७७९८००३१०० हा नविन हेल्पलाइन क्रमांक सुरू केला आहे. नागरिकांनी आपल्या समस्या मार्गी लावण्यासाठी त्यावर संपर्क साधू शकता किंवा व्हॉट्‌सॲपद्वारे तक्रार पाठवू शकतात, अशी माहिती मंचर पोलिस ठाण्याचे वरिष्ठ पोलिस निरीक्षक श्रीकांत कंकाळ यांनी दिली.
मुख्यमंत्र्यांनी १००-दिवसांचा कृती आराखडा अनुषंगाने सुचविल्याप्रमाणे नागरिकांच्या अडचणींचे तत्काळ निराकरण होण्यासाठी व पोलिस ठाण्याचे कामकाज गतिमान होण्यासाठी मंचर पोलिस ठाण्यात पूर्वीचा दूरध्वनी क्रमांक (०२१३३) २२३१५९ कार्यरत आहे. तसेच, ईमेल आय डी mancharpolicestatio@gmail.com येथेही नागरिक आपल्या तक्रारी पाठवू शकतात.