आंबेगाव, जुन्नर, खेडमध्ये महारक्तदान सप्ताह

मंचर, ता. २६ : धर्मवीर चंद्रशेखर (अण्णा) बाणखेले यांच्या १४ व्या पुण्यस्मरण दिनानिमित्त विश्‍व हिंदू परिषद बजरंग दल, दुर्गा वाहिनी मातृशक्ती व सर्व संलग्न संस्था आंबेगाव, जुन्नर, खेड व शिरूर तालुका यांच्यावतीने रविवार (ता. २९) ते रविवार (ता. ६ जुलै) या कालवधीत पुणे जिल्ह्यातील सर्वात मोठा महारक्तदान सप्ताह आयोजित केला आहे.
‘‘सकाळी सात ते संध्याकाळी सात या कालावधीत एकूण २० ठिकाणी महारक्तदान सप्ताह संपन्न होणार आहे. रक्तदान करणाऱ्या प्रत्येक रक्तदात्यास बजरंग दलाच्या वतीने भेटवस्तू, वर्षभरात गरज लागल्यास एक रक्ताची पिशवी मोफत देण्यात येणार आहे.’’ अशी माहिती बजरंग दलाच्या वतीने देण्यात आली. रक्तदात्यांनी मोठ्या संख्येने रक्तदान करावे. असे आवाहन केले आहे.

रक्तदान दिनांक व ठिकाण
रविवार (ता. २९) :
श्री काळभैरवनाथ मंदिर सभागृह, अवसरी खुर्द, श्री सिद्धेश्वर मंदिर साल (ता. आंबेगाव)
श्री मारुती मंदिर, पाबळ, (ता. शिरूर)
प्राथमिक आरोग्य केंद्र, निमगाव सावा, (ता. जुन्नर)
सोमवार (ता. ३०) : बाबू गेनू स्मारक, महाळुंगे पडवळ, श्री महादेव मंदिर, चास (ता. आंबेगाव)
मंगळवार (ता. १ जुलै) : श्री मारुती मंदिर, शिनोली,( ता. आंबेगाव)
बुधवार (ता. २ जुलै) : श्री महादेव मंदिर, लोणी, श्री वाकेश्वर मंदिर, पेठ, श्री मुक्तादेवी मंदिर, पिंपळगाव घोडे (ता. आंबेगाव)
गुरुवार (ता. ३ जुलै) :
अण्णासाहेब आवटे कॉलेज, मंचर, ग्रामपंचायत हॉल, नारोडी (ता. आंबेगाव)
प्राथमिक आरोग्य केंद्र, कवठे येमाई, (ता. शिरूर)
शुक्रवार (ता. ४ जुलै) :
श्री मारुती मंदिर घोडेगाव, श्री मुक्तादेवी मंदिर, पारगाव (शिं)( ता. आंबेगाव)
एसकेएस मार्केट राजस्थान हॉटेल वर, बनकर फाटा (ता. जुन्नर)
शनिवार (ता. ५ जुलै) : श्री विठ्ठल रुक्मिणी मंदिर, अवसरी बु, श्री मारुती मंदिर, कानसे (ता. आंबेगाव)
रविवार (ता. ६ जुलै) : कृषी उत्पन्न बाजार समिती हॉल, राजगुरुनगर (ता. खेड)
नगरपंचायत पटांगण, मंचर (ता. आंबेगाव)