पावसामुळे तरकारीच्या तोडणीवर परिणाम

मंचर, ता. १५ : येथील कृषी उत्पन्न बाजार समितीत रविवारी (ता. १३) फ्लॉवरला प्रती किलोला तीस रुपये उच्चांकी बाजारभाव मिळाला. दोन महिन्यात प्रथमच फ्लॉवरला चांगला बाजारभाव मिळत असल्याने फ्लॉवर उत्पादक शेतकऱ्यांमध्ये आनंदाचे वातावरण आहे. चार हजार १०२ फ्लॉवर डागांची आवक झाली. प्रती किलो गवार व घेवड्यालाही ११० रुपये बाजारभाव मिळाल्याची माहिती आंबेगाव तालुका कृषी उत्पन्न बाजार समितीचे सभापती नीलेश थोरात यांनी दिली.
सध्या पाऊस पडत असल्याने तरकारी मालाच्या तोडणीवर परिणाम झाला आहे. त्यामुळे तरकारी मालाची आवक घटली आहे. रविवारी एकूण ११ हजार ९७५ तरकारी डागांची आवक झाली. आंबेगाव, खेड, जुन्नर, पारनेर व शिरूर या तालुक्यांतून तरकारी मालाची आवक झाली. फ्लॉवरला दहा किलोला १५५ रुपये ते ३०१ रुपये बाजारभाव मिळाला. येथे लिलाव पद्धतीनंतर शेतकऱ्यांना शेतमालाचे वजन, बाजारभाव आणि एकूण रकमेची माहिती थेट त्यांच्या मोबाईलवर कळवली जात असल्याचे बाजार समितीचे उपसभापती सचिन पानसरे यांनी सांगितले.

शेतमालाचे नाव आणि बाजारभाव
कारले : ३१५-५५०, गवार : ५६०-एक हजार १००, घेवडा : ७००-एक हजार १००, चवळी ३००-५५०, ढोबळी मिरची : ३७०-७००, भेंडी : ३४०-६५१, फरशी : ५००-एक हजार एक, भुईमूग शेंगा : २००-७००, दोडका : ३५०-६५०, मिरची : ५०५-८६०, तोंडली : ३७०-६००, लिंबू : १००-३००, काकडी : २८०-५५०, कोबी : ८५-१५०, वांगी : ४२५-७००, दुधी भोपळा : १९०-३५०, बीट : १६०-३००, आले : २१०-३२०, टोमॅटो : २५०-४६०, मका : १२०-२००, पावटा : ७५०-९००, डांगर भोपळा : ४०-९०, वालवड : एक हजार १००, राजमा : एक हजार १२०, पापडी ७००, बटाटा : १५०, शेवगा : ५००-७००.