नवले विद्यालयाचे दोन विद्यार्थी गुणवत्ता यादीत

मंचर, ता. २० : भावडी (ता. आंबेगाव) येथील सोमनाथ विठ्ठल नवले विद्यालयातील इयत्ता आठवीतील उन्मेश कराळे (१३८) व ओम कदम (१३४) या दोन विद्यार्थ्यांनी शिष्यवृत्ती परीक्षा गुणवत्ता यादीत स्थान प्राप्त केले आहे. या विद्यार्थ्यांना एक वर्षासाठी प्रत्येकी २०० रुपये रक्कम दरमहा मिळणार असल्याची माहिती मुख्याध्यापक दत्तात्रेय काळे यांनी दिली.
या गुणवंत विद्यार्थ्यांना शिल्पा कदम यांचे मार्गदर्शन लाभले. तसेच विद्यालयातील ११ विद्यार्थी महाराष्ट्र टॅलेंट सर्च (एमटीएसई) २०२५-२६ परीक्षेसाठी बसले होते. या परिक्षेचाही १०० टक्के निकाल लागला असून सर्व विद्यार्थी उत्तीर्ण झाले आहेत. संस्थेचे अध्यक्ष सुदाम धुमाळ, उपाध्यक्ष भाऊसाहेब वाकचौरे, सचिव ज्ञानेश्‍वर वाकचौरे, शाळा समिती अध्यक्षा सविता माठे, सर्व ग्रामस्थ व पालक यांनी यशस्वी विद्यार्थी व मार्गदर्शक शिक्षकांचे अभिनंदन केले.