पेठ येथे भरदिवसा ज्येष्ठास लुबाडले

मंचर, ता. २३ : पेठ (ता. आंबेगाव) गावातील मुख्य बाजारपेठेत बुधवारी (ता. २३) दुपारी भरदिवसा दुचाकीवरून आलेल्या दोन चोरट्यांनी ज्येष्ठ नागरिक लुबाडले. त्याच्या पिशवीतील बारा हजार रुपये हिसकावून नेले. चोरटे सीसीटीव्ही कॅमेरात कैद झाले असून, मंचर पोलिस ठाण्यात तक्रार दाखल करण्यात आली आहे.
भावडी (ता. आंबेगाव) येथील माजी सरपंच महेश नवले यांचे वडील शिवाजी भामा नवले (वय ८०) हे पेठ गावात आठवडे बाजारानिमित्त आले होते. त्यांनी जिल्हा मध्यवर्ती सहकारी बँकेच्या शाखेतून दैनंदिन वापरासाठी १२ हजार रुपये काढून पिशवीत ठेवले. बाजारपेठेतील रस्त्यावरून पायी जात असताना दुपारी एक वाजण्याच्या सुमारास दुचाकीवर आलेल्या दोघांनी त्यांच्या हातातील पिशवीहिसकावून घेतली . त्यानंतर चोरटे भरधाव दुचाकीवरून निघून गेले.