ग्रामीण रोजगार निर्मितीसाठी 
सहकार खात्याचा पुढाकार

ग्रामीण रोजगार निर्मितीसाठी सहकार खात्याचा पुढाकार

Published on

मंचर, ता. २६ : ‘‘ग्रामीण भागातील तरुण, उद्योजक व शेतकऱ्यांसाठी रोजगार निर्मितीचे प्रभावी मॉडेल म्हणून एक गाव- ५४ व्यवसाय ही संकल्पना आता प्रत्यक्षात उतरविण्याच्या दिशेने सहकार खात्याकडून पावले उचलली जात आहेत. ग्रामीण अर्थव्यवस्था सक्षम करण्यासाठी व्यवसाय प्रशिक्षण, शासन योजना, पतसंस्था व सहकार चळवळीच्या एकत्रित प्रयत्नातून उद्योग व्यवसायाचे जाळे उभे केले जाईल,’’ असे सहकार भारती पुणे जिल्हा अध्यक्ष विनायक तांबे यांनी सांगितले.
मंचर (ता. आंबेगाव) येथे शनिवारी (ता. २६) सहकार भारती पुणे विभाग, सहाय्यक निबंधक सहकारी संस्था आंबेगाव तालुका यांच्या वतीने नागरी, ग्रामीण बिगर शेती सहकारी पतसंस्था दोन दिवसीय प्रशिक्षण कार्यक्रमाचा प्रांरभ महाराष्ट्र राज्य औद्योगिक वसाहत फेडरेशनचे अध्यक्ष अमित बेनके यांच्या हस्ते झाला. यावेळी नितीन कुलकर्णी, वसंतराव गुंड, उत्तम फाळके, शांताराम शेटे, बाळासाहेब गाढवे, दत्त पतसंस्थेचे अध्यक्ष शिवाजीराव निघोट उपस्थित होते.
या प्रशिक्षण शिबिरात व्यवसाय संकल्पना, परवाने, कागदपत्रे, कर्ज, मार्केटिंग व ब्रँडिंग याबाबत प्रशिक्षण दिले जाईल, असे आंबेगाव तालुका सहकारी संस्थांचे सहाय्यक निबंधक विठ्ठल सूर्यवंशी यांनी सांगितले. पुणे विभाग प्रमुख गिरीश भवाळकर यांनी प्रास्ताविक केले. भानुदास काळे, रमेश खरमाळे, विजय गवळी व गायत्री वाळेकर यांनी चर्चेत भाग घेतला.

राज्य व केंद्र सरकारच्या सहकार विभागाने स्थानिक गरजा लक्षात घेऊन प्रत्येक गावात ५० हून अधिक व्यवसाय संधी उपलब्ध करून देऊन तरुणांना स्वयंरोजगारासाठी प्रोत्साहन दिले जाणार आहे. यामध्ये पेट्रोल पंप, दुग्ध व्यवसाय, सायबर कॅफे, शेती औषधे दुकान, सोलर सेवा, फळप्रक्रिया, ड्रोन सेवा, ब्यूटी पार्लर, शिलाई सेंटर अशा विविध प्रकारांचा समावेश असेल.
- अमित बेनके, अध्यक्ष, महाराष्ट्र राज्य औद्योगिक वसाहत फेडरेशन

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com