तरकारी मालाच्या आवकेत मंचरच्या बाजारपेठेमध्ये घट

मंचर, ता. १२ : “येथील कृषी उत्पन्न बाजार समितीत रविवारी (ता.१०) रात्री आठ वाजेपर्यंत तरकारी शेतमाल नऊ हजार ८०५ डाग आवक झाली. गेल्या काही दिवसांपासून तरकारी मालाची आवक घटली आहे.
श्रावण महिना असल्याने तरकारी मालाची मागणी पुणे, मुंबई व सुरत भागातून वाढली आहे. त्यामुळे फ्लॉवर व वाटाण्याच्या बाजारभावात लक्षणीय वाढ झाली आहे. फ्लॉवरला दहा किलोला १०० रुपये ते २५१ रुपये बाजारभाव मिळाला. गेल्या आठवड्यात फ्लॉवरला ५० रुपये ते १३० रुपये बाजारभाव मिळाला होता, अशी माहिती कृषी बाजार समितीचे सभापती नीलेश थोरात व उपसभापती सचिन पानसरे यांनी दिली. दरम्यान ता.१५ मे ते १५ जुलै या दोन महिन्यांच्या कालावधीत सतत पाऊस पडत होता. त्यामुळे अनेक शेतकऱ्यांना नव्याने तरकारी मालाची लागवड करता आली नाही व ज्यांची उगवण झाली. सदर शेतीमालही पावसामुळे वाया गेला.
दहा किलो : बाजारभाव रुपयात :

वाटाणा : ४००-८५१, टोमॅटो : १००-७८०, गवार : ३२५-६००, भुईमूग शेंगा : ३५०-५७०, ढोबळी मिरची : २७५-५००, कारले : २३५-४२०, घेवडा : २६५-५००, चवळी : २१०-३९०, भेंडी : २१०-३७०, फरशी : ३२५-५५०, दोडका : २१५-४००, मिरची : ४४०-८००, तोंडली : १००-४५०, लिंबू : १५०, काकडी : १००-१५०, कोबी : ३०-८०, वांगी : १६५-३००, दुधी भोपळा : १४०-२६०, बीट : १४०-२५१, आले : १५०-२५०, मका : ५०-१००, पावटा : ३००, वालवड : ५७०, राजमा : २०० ते ४७०, बटाटा : १२०, शेवगा : १०० ते ५००, पापडी : ५७०.