मंचरला तीन शेतकऱ्यांना ध्वजवंदन करण्याचा मान

मंचर ता.१६: येथील कृषी उत्पन्न बाजार समितीच्या आवारात ७९ व्या स्वतंत्रदिनानिमित्त यावर्षी सर्वाधिक शेतीमाल विक्रीसाठी आणणाऱ्या तीन शेतकऱ्यांनी ध्वजवंदन करण्याचा मान देण्यात आला.या उपक्रमाचे शेतकऱ्यांनी स्वागत केले.
शेतकरी शिवाजी विठ्ठल आढळराव, विकास मारुती दातखिळे व पांडुरंग वसंत थोरात यांच्या हस्ते ध्वजवंदन करण्यात आले. यावेळी वंदे मातरम्,भारत माता की जय, ‘जय जवान जय किसान’ अशा घोषणा देण्यात आल्या. कृषी उत्पन्न बाजार समितीचे सभापती नीलेश थोरात, संचालक गणेश वायाळ, राजेंद्र भंडारी, लक्ष्मण बाणखेले, सुनील खानदेशे, माजी संचालक बाळासाहेब बाणखेले, सागर थोरात, आडत व्यापारी असोसिएशनचे अध्यक्ष राजेंद्र भन्साळी, उपाध्यक्ष दत्तात्रेय भोर, बाजार समितीचे सचिव सचिन बोऱ्हाडे, गणेश गावडे, सागर काळे अडते, शेतकरी, कर्मचारी, व्यापारी, हमाल- मापाडी उपस्थित होते.