भिलारवाडीतील ज्येष्ठाचा उपचारादरम्यान मृत्यू

माळेगाव, ता. २३ : भिलारवाडी (ता.बारामती) हद्दीतील पवारवस्ती-सायंबाचीवाडी रस्त्यावर मोटारसायकलस्वाराने सोमवारी (ता. ६) महादेव गजानन पवार (वय ७३) यांना जोरदार धडक दिली होती. त्यावेळी डोक्यास जबर मार लागून ते जखमी झाले होते. त्यांचा गुरुवारी (ता.२३) उपचारादरम्यान मृत्यू झाला.
याप्रकरणी पवार यांचा मुलगा भरत यांनी गुरुवारी अज्ञात मोटारसायकल चालकाविरुद्ध माळेगाव पोलिस ठाण्यात फिर्याद दिली. त्यानुसार आणि वैद्यकीय अहवालाच्या आधारे पोलिसांनी अज्ञात व्यक्तीविरुद्ध विविध कलमान्वये गुन्हा दाखल केला. पोलिस हवालदार वायसे पुढील तपास करीत आहेत.