खरीप पीक नियोजनात अभियान महत्त्वपूर्ण ठरणार

माळेगाव, ता.१ : खरीप पूर्व पीक नियोजन संदर्भात विकसित कृषी संकल्प अभियान महत्त्वपूर्ण ठरणार आहे, अशी माहिती कृषी विज्ञान केंद्र बारामतीचे प्रमुख डॉ.धीरज शिंदे यांनी दिली.

बारामती कृषी विज्ञान केंद्राने माळेगाव बुद्रूक (ता. बारामती) येथून विकसित कृषी संकल्प अभियानाची सुरुवात करण्यात आली.
यावेळी राष्ट्रीय अजैविक ताण व्यवस्थापन संस्थेचे (माळेगाव) विभाग प्रमुख डॉ. नितीन कुऱ्हाडे, कृषी विभागाचे मंडळ कृषी अधिकारी सुभाष बोराटे, राहुरी कृषी विद्यापीठाचे देशी गोवंश सुधार प्रकल्प प्रमुख डॉ. सोमनाथ माने, डॉ. बाळकृष्ण जमदग्नी, केव्हीकेचे संतोष गोडसे, संतोष करंजे आदी पदाधिकारी उपस्थित होते.

विकसित कृषी संकल्प अभियानाचा प्रचार व प्रसार करण्यासाठी वरील संस्था पातळीवर फिरता रथ तयार केला आहे. हे अभियान १२ जूनप्रर्यंत बारामती तालुक्यासह प्रत्येक तालक्याच्या ९० गावात पोचणार आहे, असे संतोष गोडसे यांनी सांगितले. डॉ. सोमनाथ यांनी देशी गोवंश सुधार प्रकल्प बाबत माहिती सांगितली. डॉ. बाळकृष्ण जमदग्नी यांनी सोयाबीन लागवड ते काढणीपर्यंत, सोया संजीवनीच्या फवारण्या करून एकरी वीस क्विंटल उत्पादन कसे काढायचे याविषयी मार्गदर्शन केले. प्रतिभा कंपनीचे अध्यक्ष अशोक पाटील तावरे, बलराम शेतकरी कंपनीचे अध्यक्ष बाळासाहेब तावरे, गायत्री शेतकरी मंडळाचे अध्यक्ष संग्राम तावरे यांनी माळेगावातील वरील कार्यक्रम यशस्वी होण्यासाठी प्रयत्न केले.
02709