माले येथील आरोग्य शिबिराला प्रतिसाद

माले, ता.२८ ः मुळशी धरण परिसरातील नागरिकांसाठी टाटा पॅावर कंपनीच्या माध्यमातून
माले (ता.मुळशी) येथील प्राथमिक आरोग्य केंद्रामध्ये सर्व रोगनिदान मोफत आरोग्‍य तपासणी व उपचार शिबिर पार पडले.
मुळशी पंचायत समितीचे गटविकास अधिकारी संदीप जठार यांच्‍या हस्‍ते शिबिराचे उद्‌घाटन झाले. जिल्‍हा नियोजन समितीचे माजी सदस्‍य अमित कंधारे, तालुका आरोग्‍य अधिकारी डॉ. वामन गेंगजे, डॉ. हेमंत दिक्षित, बालरोग तज्‍ज्ञ डॉ. रोहित काळे, स्‍त्रीरोग तज्‍ज्ञ डॉ. सृष्टी गायकवाड, आर्युवेद तज्‍ज्ञ डॉ. तुषार वैद्य, तुषार जगताप, नेत्ररोग तज्‍ज्ञ डॉ. अल्हाट यांनी रुग्णांच्या तपासणी केल्या.
दरम्यान, प्राथमिक आरोग्‍य केंद्र माले, आंबवणे यांच्‍या कार्यक्षेत्रातील माले, संभवे, वळणे, मुळशी खुर्द, वारक, ताम्हिणी, निवे या गावातील ३८७ ग्रामस्थांनी शिबिराचा लाभ घेतला. महिला व बालक यांच्‍या विविध शस्त्रक्रिया उपचार करण्‍यात येणार आहेत. मोतीबिंदू असणाऱ्या रुग्‍णांवर शस्‍त्रक्रिया, तसेच
गरजेनुसार मोफत चष्माचे वाटप रोटरीच्‍या माध्‍यमातून करणार आहे.
वैद्यकीय अधिकारी डॉ. पाराजी वायाळ यांच्या मार्गदर्शनाखाली डॉ. हौदेकर, डॉ. माधुरी शिंदे तसेच
आरोग्यकर्मचारी, ग्रामसेवक, संबंधित सरपंच, आशा स्वयंसेवक, अंगणवाडीसेविका आदींनी शिबिरासाठी परिश्रम घेतले. पुणे जिल्हा नियोजन समितीचे माजी सदस्‍य अमित कंधारे यांनी या शिबिरास भेट देऊन ग्रामस्‍थांना मिळालेल्‍या सेवा व उपचारांबद्दल उपक्रमाचे कौतुक केले.