हनुमान सोसायटीच्या अध्यक्षपदी नीलेश पवार

मोरगाव, ता. ११ : तरडोली (ता. बारामती) येथील श्री हनुमान विकास सोसायटीच्या अध्यक्षपदी नीलेश दगडू पवार, तर उपाध्यक्षपदी लता दिलीप पवार यांची बिनविरोध निवड झाली. येथील अध्यक्ष विठ्ठल चोपडे व उपाध्यक्ष गणेश कांबळे यांनी राजीनामा दिल्यामुळे रिक्त पदासाठी निवडणूक घेण्यात आली. निवडणूक निर्णय अधिकारी म्हणून बारामतीचे सहाय्यक निबंधक प्रमोद दुर्गुडे व बी. एच. बंडगर यांनी काम पाहिले.
निवडणूक बिनविरोध करण्यासाठी पुणे जिल्हा वैद्यकीय मदत कक्षाचे अध्यक्ष मंगेश खताळ, रामभाऊ भोसले, पुणे जिल्हा परिषदेच्या जलव्यवस्थापन समितीचे सदस्य हनुमंत भापकर, जनार्दन निंबाळकर, संतोष चौधरी, बाबासाहेब पवार यांनी विशेष सहकार्य केले. यावेळी संस्थेचे संचालक विठ्ठल चोपडे, दत्तात्रेय कदम, संजय लवटे, गणेश कांबळे, चंद्रकांत भापकर, बाळू पवार, शारदा पवार, सोमनाथ भापकर उपस्थित होते.