फराटे पाटील कॉलेजमधील १० विद्यार्थ्यांची निवड

मांडवगण फराटा, ता. १८ : येथील श्री वाघेश्वर ग्राम विकास प्रतिष्ठान संचालित श्री दादा पाटील फराटे कॉलेज ऑफ फार्मसी व फराटे पाटील कॉलेज ऑफ फार्मसी डिप्लोमा कॉलेज येथे वॉक इन इंटरव्यूचे आयोजन करण्यात आले होते. त्यामधून १० विद्यार्थ्यांची निवड करण्यात आली
महाविद्यालयातील सभागृहात सकाळी दहापासून सायंकाळी पाच वाजेपर्यंत या कॅम्पस इंटरव्ह्यूचे आयोजन केले होते.‌ यामध्ये बी फार्मसीच्या अंतिम वर्षामध्ये शिकणाऱ्या विद्यार्थ्यांसाठी अडाप्टीस फार्मा प्रायव्हेट लिमिटेड या कंपनीच्या वतीने रेग्युलेट्री अफेयर्स डिपार्टमेंट मध्ये ग्रामीण भागातील विद्यार्थ्यांकरिता संधी उपलब्ध करून देण्यात आली होती. या कंपनीचे संस्थापक डॉ. दिलीप शिवले व फराटे पाटील ग्रुप ऑफ इन्स्टिट्यूटचे संस्थापक अध्यक्ष राजीव फराटे पाटील यांच्या संयुक्त विद्यमानाने कॅम्पस ड्राईव्हचे आयोजन करण्यात आले होते. कंपनी मार्फत कंपनीचे असोसिएट डायरेक्टर प्रमोद चौधरी व तसेच बिझनेस कॉर्पोरेटर गणेश फराटे यांनी विद्यार्थ्यांच्या मुलाखती घेण्यात आल्या. या मुलाखतीत ५० विद्यार्थ्यांनी सहभाग नोंदविला. या वॉकिंग इन इंटरव्यू मध्ये तीन राऊंड घेण्यात आले. त्यामधून १० विद्यार्थ्यांची निवड करण्यात आली. यासाठी संस्थेच्या सचिव मृणाल फराटे पाटील यांचे मार्गदर्शन लाभले. महाविद्यालयाचे प्राचार्य डॉ. हेमंत कांबळे, प्राचार्य डॉ. विवेक सातपुते, प्राचार्य प्रवीण कुरूमकर, एमफार्म कॉर्डिनेटर प्रा. संतोष वाघमारे व तसेच ट्रेनिंग प्लेसमेंट ऑफिसर प्रा. वसंत पवार व इतर शिक्षक व शिक्षकेत्तर कर्मचारी उपस्थित होते.

00744