श्रीदत्त ग्रामीण पतसंस्थेच्या अध्यक्षपदी सुनील वाळुंज

महाळुंगे पडवळ, ता. १० : येथील श्रीदत्त ग्रामीण बिगरशेती सहकारी पतसंस्थेच्या अध्यक्षपदी सुनील पाटीलबुवा वाळुंज व उपाध्यक्षपदी श्रद्धा सुधाकर आवटे-पडवळ यांची बिनविरोध निवड झाली.
मंचर येथील पुणे जिल्हा मध्यवर्ती सहकारी पतसंस्थेच्या सभागृहात सोमवारी (ता. १०) निवड प्रक्रिया झाली. अध्यक्षपदासाठी सुनील वाळुंज व उपाध्यक्षपदासाठी श्रद्धा आवटे यांचा एकमेव अर्ज आल्याने त्यांची बिनविरोध निवड झाल्याचे निवडणूक निर्णय अधिकारी म्हणून सविता चौधरी यांनी जाहीर केले. नवनिर्वाचित अध्यक्ष व उपाध्यक्ष यांचा सन्मान पतसंस्थेचे संस्थापक श्रीहरी यमनाजी पडवळ, सुभाष आत्माराम पडवळ, राजन बबन पडवळ, एकनाथ आंबटकर, अनिल पडवळ आदी ग्रामस्थांनी केला.
यावेळी संस्थेचे संचालक योगेश महादेव पडवळ, जिजाभाऊ खंडू आवटे, सोमनाथ श्रीधर घोडेकर, पंढरीनाथ दत्तात्रेय चासकर, दिलीप भीमाजी सैद, रोहिणी निवृत्ती चासकर, काशिनाथ नारायण शिंदे, अशोक भीमाजी डोके, याकूब हुसेनभाई इनामदार आदी उपस्थित होते.