चासमधील पिंजऱ्यास बिबट्याची हुलकावणी

ै
महाळुंगे पडवळ, ता. २४ : चास (ता.आंबेगाव) येथील गणेशवाडी येथे मारुती चासकर यांच्या शेतात वनविभागाने पिंजरा लावला होता. सावज म्हणून मृत मेंढीही ठेवण्यात आली. मात्र, मंगळवारी (ता.२४) सकाळी पिंजऱ्याची पाहणी केली. त्यावेळी रात्री सावज ठेवलेल्या पिंजऱ्याजवळ बिबट्याने उसाचे वाडे अस्थाव्यस्त केले आल्याचे आढळून आले. तसेच परिसरात पायचे ठसे आढळून आले आहेत. त्यामुळे बिबट्या पिंजऱ्याला हुलकावणी देत असल्याचे पहावयास मिळत आहे.
गणेशवाडीत आणि ठाकरवाडीत बिबट्याने केलेल्या हल्ल्यात अनुक्रमे शेळी आणि कालवड ठार झाली आहे. बिबट्याला जेरबंद करण्यासाठी वनविभागाने सोमवारी (ता.२३) पिंजरा लावला आहे. परंतु सदर पिंजऱ्याला बिबट्या हुलकावणी देत असल्याचे पहावयास मिळत आहे.

गणेशवाडी येथे धनगर अण्णा पांडुरंग कोळपे हे सोमवारी (ता.२३) दुपारी मारुती ब्रम्हाजी चासकर यांच्या शेतात मेंढ्या चारत होते. त्यावेळी उसाच्या शेतातून अचानकपणे बिबट्याने मेंढ्यांच्या कळपावर हल्ला केला. बिबट्याने उसाच्या शेतात मेंढीला ओढत नेले. गळ्याला चावा घेऊन ठार केले. उसाच्या शेतात ५० मीटर अंतरात मेंढी तोंडात धरून बिबट्या फिरत होता. वन विभागाला बिबट्याच्या हल्ल्याची माहिती देण्यात आली. वन कर्मचारी रईस मोमीन, काळूराम गायकवाड, बी. एस. डोंगे, रेक्यू टीमचे सदस्य सुशांत चासकर आणि बेस कॅम्पच्या टीमने मेंढीचा शोध घेतला.
यावेळी पोलिस पाटील वैभव शेगर, शिवाजी भालेकर, दत्ता बारवे उपस्थित होते. ठाकरवाडी येथे हनुमंत ज्ञानेश्वर बारवे यांची कालवड ठार केली आहे. उपसरपंच विजय बारवे यांनी वनविभागाला बिबट्याने हल्ला केल्याची माहिती दिली. वनकर्मचारी यांनी भेट देऊन रीतसर पंचनामा केला आहे. यावेळी वसंत बारवे, गणेश बारवे उपस्थित होते.
03132