बिबट्याने झडप घातल्याने चांडोली येथे महिला जखमी

बिबट्याने झडप घातल्याने चांडोली येथे महिला जखमी

Published on

महाळुंगे पडवळ, ता. १७ : चांडोली बुद्रुक ते लौकी रस्त्यावर राणूबाई मंदिर परिसरात मोटार सायकलवरून जात असलेल्या नागरिकांवर बिबट्याने झडप घालुन हल्ला केला. त्यात शोभा दगडू काळे (वय ३६, रा. कळंब-सुंभेमळा ता.आंबेगाव) या जखमी झाल्या. ही घटना बुधवारी (ता.१७) रात्री आठ वाजता घडली.
चांडोली बुद्रुक येथील आजोबा फुलाजी काळे यांना भेटून स्वप्नील दगडू काळे, माधुरी सतीश काळे व शोभा दगडू काळे (रा.कळंब-सुंभेमळा ता.आंबेगाव) हे तिघे जण मोटार सायकलवरून लौकी गावाकडे जात होते. राणूबाई मंदिराजवळ आल्यानंतर अचानकपणे बिबट्याने मोटार सायकलवरील तिघांवर झडप घातली. अशाही घाबरलेल्या परिस्थितीत स्वप्नील काळे यांनी धीराने मोटार सायकल जोरात पुढे नेली. तोपर्यंत पाठीमागे बसलेल्या शोभा काळे यांच्या डाव्या पायाला बिबट्याने हल्ला करून जखमा केल्या होत्या. आरडाओरड केल्यानंतर बिबट्या उसाच्या शेतात निघून गेला. प्रसंगावधान राखत प्रतिकार केला नसता आणि गाडी वेगात पुढे घेऊन आलो नसतो तर आमचा बिबट्याने जीवच घेतला असता, अशी प्रतिक्रिया काळे कुटुंबीयांनी व्यक्त केली आहे.
लौकी गावात आल्यानंतर घडलेला प्रकार वनसेवक जालिंदर थोरात यांना सांगितला. त्यानंतर शीघ्र कृती दल आणि रेक्यू सदस्य बापू वाघ, हर्षल गावडे, मनोज तळेकर, प्रज्वल आवारी, प्रकाश हिले, मनोज भोंडवे, वनसेवक जालिंदर थोरात व मंगेश औटी यांनी जखमी शोभा काळे यांना उपचारासाठी मंचर उपजिल्हा रुग्णालयात दाखल केले आहे. तेथे प्राथमिक उपचार करून बिबट्याकडून हल्ला केल्यानंतर दिली जाणारी ॲटीरेबीज लस देण्यात आली. वनपरिक्षेत्र अधिकारी विकास भोसले, वनपाल सोनल भालेराव, वनरक्षक प्रदीप औटी, शिवसेना उद्धव बाळासाहेब ठाकरे पक्षाचे तालुकाप्रमुख नितीन भालेराव यांनी जखमींची विचारपूस केली.
“लौकी येथे राणूबाई मंदिर परिसरात बिबट्याकडून वारंवार हल्ले होत आहे. त्यामुळे नागरिकांमध्ये भीतीचे वातावरण पसरले आहे. वनविभागाने दोन ते तीन ठिकाणी बिबट्याला जेरबंद करण्यासाठी पिंजरे लावावेत,’’ अशी मागणी सरपंच एकता थोरात आणि उपसरपंच मंगल थोरात यांनी केली आहे.

03206

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com