कळंबला प्रसाद वाटप

महाळुंगे पडवळ, ता. २८ : कळंब (ता. आंबेगाव) येथील घोडनदीच्या तीरावर असलेल्या महादेव मंदिरात पहिल्या श्रावणी सोमवारी दर्शनासाठी पंचक्रोशीतील भाविकांनी गर्दी केली होती. ‘हर हर महादेवा’च्या जयघोषाने परिसर दुमदुमून गेला होता. भाविकांना केळी, खजूर आणि चिक्कीचे वाटप करण्यात आले.
श्रीकांत कुलकर्णी, स्वराज ज्ञानेश कानडे, पुजारी शिवाजी उबाळे यांच्या उपस्थितीत पहाटे अभिषेक करण्यात आला. त्यानंतर भाविकांच्या दर्शनासाठी मंदिर खुले करण्यात आले. कळंब-महाळुंगे पडवळ रस्त्यालगत मंदिर असल्याने सकाळ पासून येथील मंदिराचा परिसर गर्दीने फुलून गेला होता. मंदिराभोवती आकर्षक विद्युत रोषणाई करण्यात आली आहे. एकलहरे, टाकेवाडी, नांदूर, विठ्ठलवाडी, साकोरे, लौकी, चांडोली बुद्रूक आदी गावांतील नागरिक येथे दर्शनासाठी आले होती. प्रमोद पिंगळे आणि सुमीत वर्पे यांच्या वतीने तिरंगा उद्योग समुहाचे नितीन भालेराव यांनी भाविकांना केळी, खजूर आणि चिक्कीचे वाटप केले.
शिवशंभो महादेव मंदिर परिसर विकास समितीचे पदाधिकारी ज्ञानेश कानडे, उद्योजक युवराज कानडे, संजय शिंदे, भूषण शिंदे, तेजस कानडे, अमित बेलसकर, केशव राक्षे, महेश शिंदे, शांताराम शिंदे, प्रफुल्ल थोरात, सागर उबाळे, कचरू शिंदे, तेजस कर्पे आदी पदाधिकाऱ्यांनी येथील कार्यक्रमाचे संयोजन केले.