प्लॅस्टिक फूल विक्रीवर बंदी घालण्याची मागणी

माळशिरस : पुणे जिल्हा फूल उत्पादक शेतकरी संघाच्या शिष्टमंडळातील प्रतिनिधींनी पुणे कृषी आयुक्त माननीय सुरज मांढरे साहेब यांची भेट घेऊन प्लॅस्टिक फूल विक्री वरती बंदी घालण्यासंदर्भात निवेदन देऊन मागणी केली.
संघाचे जिल्हाध्यक्ष कृषी भूषण महादेव शेंडकर, उपाध्यक्ष दत्तात्रेय कटके, आदिनाथ काळे, अप्पासाहेब शेवाळे, सुनील गोवेकर, प्रमोद टिळेकर यांचा शिष्टमंडळाने ही भेट घेतली. महाराष्ट्रात मोठ्या प्रमाणात ओपन शेती, पॉलिहाऊस, शेड नेट हाऊस इत्यादी मध्ये विविध प्रकारची फूल शेती केली जाते. शेतकऱ्यांनी कर्ज काढून पॉलिहाऊस शेडनेटमध्ये फूल शेती केली असून, सध्या बाजारात मोठ्या प्रमाणात प्लास्टिक चायना फुलांची आवक होत आहे ही प्लॅस्टिकची फुलं स्वस्तात उपलब्ध होत असल्यामुळे अनेक डेकोरेटर याच फुलांचा वापर करत असल्यामुळे शेतकऱ्यांनी उत्पादित केलेल्या फुलांना अजिबात बाजार भाव मिळत नाही. त्यामुळे शेतकऱ्यांचे आर्थिक नुकसान होत आहे.