बारे बुद्रुक येथील घराची भिंत पडली

महुडे, ता. २७ : बारे बुद्रुक (ता. भोर) येथील संगीता शिवाजी दानवले यांच्या घराची एका बाजूची दगडी मातीची भिंत पडल्याची घटना रविवारी (ता. २५) घडली. यात कोणतीही जीवितहानी झाली नाही.
रविवारी सकाळी भिंत घराच्या आतील बाजूस पडली. पावसाचे पाणी व भिंतीचे दगड, माती घरात पडल्याने कपडे व इतर साहित्याचे नुकसान झाले आहे. तसेच, दुसऱ्या बाजूची भिंत डेवारली असून, कुटुंब नविन बांधलेल्या घरात रहायला असल्याने अनर्थ टळला असल्याचे सुदाम दानवले यांनी सांगितले. तसेच, झालेल्या नुकसानीच्या भरपाईची मागणी केली आहे. ग्रामविकास अधिकारी प्राची राजेशिर्के यांनी घटनास्थळी जाऊन मंगळवारी (ता. २७) पंचनामा केला.