जानुबाई सहकारी संस्थेचा ढाल देऊन गौरव

भोर, ता.१० : कामथडी (ता.भोर) येथील जानुबाई विविध कार्यकारी सेवा सहकारी संस्थेला तालुकास्तरीय कायमस्वरूपी ढाल देऊन जिल्हा बँकेकडून गौरविण्यात आले. पुणे जिल्हा मध्यवर्ती सहकारी बँकेच्या वर्ष २०२१ ते २०२४ या सहकारी वर्षात ९० ते १०० टक्के वसुली देणाऱ्या भोर तालुक्यातील विविध कार्यकारी सेवा सहकारी संस्थांना बक्षीसे तसेच वर्ष २०२३-२४ मध्ये उत्कृष्ट काम केलेल्या संस्थांना भोर येथे गुरुवारी (ता.५) गौरविण्यात आले.

भोर येथील जिल्हा बँकेच्या दोन नंबर शाखेच्या विभागीय कार्यालय सभागृहात पुणे जिल्हा बँकेचे अध्यक्ष डॉ.दिगंबर दुर्गाडे, संचालक माजी आमदार संग्राम थोपटे, उपाध्यक्ष सुनील चांदेरे, संचालक भालचंद्र जगताप यांचे हस्ते व प्रमुख उपस्थित हा गौरव व बक्षीस‌ समारंभ पार पडला. यावेळी सलग तीन तर काही सलग दोन‌ वर्षे शंभर टक्के
वसुली देणाऱ्या ३० संस्थांच्या अध्यक्ष, सचिव यांस बक्षीस देण्यात आले.
यावेळी जिल्हा बँकेचे मुख्यकार्यकारी अधिकारी अनिरुद्ध देसाई, सहाय्यक निबंधक बाळासाहेब तावरे, सहाय्यक सरव्यवस्थापक विठ्ठल वाघ, सरव्यवस्थापक सुनील खताळ, बँकेचे विनोद काकडे, सदानंद सोनावणे, श्‍याम घोणे, सचिन जेधे, निखिल खोपडे, तुषार नांदे, सचिव महेंद्र तावरे, रमेश जेधे, संदीप चक्के, पुरषोत्तम बाठे यांचेसह बँकेचे पदाधिकारी, सोसायटीचे संचालक मंडळ, सचिव, सभासद उपस्थित होते. विनोद काकडे यांनी प्रास्ताविक केले.

01935