भाटघरला रस्त्यावर चिखलाचा राडारोडा
भोर, ता.१९ : भोर-कापूरहोळ मार्गावरील भाटघर ते भोर रस्त्याच्या रुंदीकरणाचे काम अपूर्ण आहे. यामुळे भाटघर येथे सुरू असलेल्या कामाठिकाणी मातीचा रस्ता असल्याने रविवारी (ता.१५) सकाळपासून झालेल्या पावसामुळे रहदारीच्या रस्त्यावर चिखलाचा राडारोडा झाला. याठिकाणी चिखलात दुचाकी घसरून छोटे मोठे अपघात होत आहेत.
सध्या सुरू असलेल्या मुसळधार पावसामुळे रस्त्यावर मातीचा राडारोडा असल्याने वारंवार दुचाकी - चारचाकी चालकांना वाहन चालविताना कसरत करावी लागत आहे. यामुळे अपघाताचा धोका निर्माण होत आहे.
वन विभागाची हरकत, भोर नगर परिषदेच्या जलवाहिनीच्या कामामुळे भाटघर हद्दीत रखडलेल्या रस्त्याच्या ठिकाणी झालेल्या चिखलात रविवारी सकाळपासून २० ते २५ दुचाकी घसरून पडल्या. रस्त्यावर जवळपास एक फूट चिखलाचा थर साचला आहे.
सामाजिक कार्यकर्ते अतुल काकडे ,कुणाल धुमाळ, अक्षय खंडाळे, ऋृषीकेश गायकवाड यांनी माहिती मिळताच त्यांनी घटनास्थळी धाव घेऊन रस्त्यावर पडलेल्या दुचाकीस्वारांना उचलले व मदत केली.
दरम्यान, अपघात टाळण्यासाठी रस्त्याचे काम लवकरात लवकर पूर्ण करावे तसेच काम करताना योग्य ती दक्षता घेण्यात यावी, अशी मागणी अतुल काकडे यांनी बांधकाम विभागाकडे केली.
02006
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.