भाटघर, नीरा देवघर धरणांच्या साठ्यात वाढ

हिर्डोशी, ता.२२ ः भोर तालुक्यातील पश्चिम भागात पडत असलेल्या पावसामुळे भाटघर व नीरा देवघर धरणातील पाणीसाठ्यात वाढ झाली आहे. धरणांमध्ये रविवारी (ता.२२) सकाळी भाटघर धरण २०.४७ तर नीरा देवघर २३.४४ टक्के भरले आहे.
जून महिन्यातील दोन तारखेला भाटघर धरणात ७.१५ तर नीरा देवघर धरणात ९.३८ टक्के पाणी साठा होता. परंतु यावर्षी रविवारी (ता.२२) सकाळपर्यंत भाटघर धरण श्रेत्रात एकूण २३० मिलिमीटर तर नीरा देवघर धरण क्षेत्रात ४०८ मिलिमीटर मीटर पाऊस झाला असल्याने धरणातील पाणी साठ्यात वाढ झाली आहे. गेल्यावर्षी २२ जून रोजी भाटघर ६.४५ तर नीरा देवघर धरणात ९.३० टक्के पाणी साठा शिल्लक होता. परंतु यंदा मे महिन्यात झालेला मॉन्सूनपूर्व पाऊस व सध्या पडत असलेल्या पावसाने गेल्यावर्षीच्या तुलनेत यंदा भाटघर व नीरा देवघर धरणात १४ टक्केहून जास्तीचा पाणी साठा असल्याचे दिसून येत आहे.

२२ जूनचा पाणीसाठ्याची टक्केवारी व पडलेला पाऊस
धरण .......२०२४............२०२५........पाऊस मिलिमीटर
भाटघर.......६.४५.......२०.४७.......२३०
नीरा देवघर.......९.३०.......२३.४४.......४०८
वीर.......२०.०९.......८७.२७.......१३४
गुंजवणी.......९.७८.......४३.२०.......५८३

02048