भाटघर,नीरा देवघरची पन्नाशी पार

हिर्डोशी, ता. ६ : भोर तालुक्यात गेल्या दोन महिन्यांपासून पडत असलेल्या पावसामुळे यंदा भोर तालुक्यातील भाटघर व नीरा देवघर ही दोन्ही धरणे ५० टक्क्यांहून अधिक भरली आहेत. भाटघर ६६.२५ रविवारी सकाळी तर नीरा देवघर धरण ५०.१९ टक्के भरले आहे.
गतवर्षी सहा जुलै रोजी भाटघर धरण हे अवघे १८.७६ तर नीरा देवघर धरण १४.२० टक्के भरले होते. परंतु, यावर्षी मे महिन्यातच हजेरी लावल्याने तसेच या दोन्ही धरणांच्या पाणलोट क्षेत्रात सतत पडत असलेल्या पावसाने यावर्षी धरणांनी पन्नाशी खूपच लवकर गाठली आहे. गेल्या वर्षीच्या तुलनेत यावर्षी भाटघर धरणात ४७.४९ टक्के तर नीरा देवघर मध्ये ३५.९९ टक्के जास्तीचा पाणीसाठा साठला असल्याचे आकडेवारीवरून दिसून येतेय. यावर्षी भाटघर धरण क्षेत्रात ३९१ मिलिमीटर तर नीरा देवघर धरण क्षेत्रात ८९५ मिलिमीटर पावसाची नोंद झाली आहे. दोन्ही धरणातून पाण्याचा विसर्ग बंद आहे. गतवर्षी दोन्ही धरणे ऑगस्टच्या पहिल्या आठवड्यात भरली होती.‌

नीरा प्रणाली धरण पाणीसाठा- ६ जुलैचा साठा
धरण........२०२४........२०२५........ पाऊस (मिलिमीटर)
भाटघर........१८.७६........६६.२५- ........३९१
नीरा देवघर........१४.२०........१५.१९........८९५
वीर........२७.०८........७७.३७........१४१
गुंजवणी........२४.८०........७६.५३........११५७
02135