नाझरे ग्रामस्थांचा राष्ट्रवादीमध्ये प्रवेश

हिर्डोशी, ता. ८ : नाझरे (ता. भोर) येथील ग्रामस्थ असलेले माजी पोलिस उपनिरीक्षक भरत शिवाजी खोपडे, विकास सोसायटी माजी अध्यक्ष शरद विनायक खोपडे, अनंता रामचंद्र खोपडे, रामचंद्र गेनबा खोपडे, प्रल्हाद किसन खोपडे यांनी जिल्हा परिषदेचे माजी उपाध्यक्ष रणजित शिवतरे यांच्या प्रमुख उपस्थितीत भोर येथे मंगळवारी (ता. ८) सायंकाळी राष्ट्रवादी काँग्रेस पक्षात प्रवेश केला. यावेळी प्रवेश केलेल्यांचे स्वागत करून त्यांच्या प्रवेशाने पक्षाची ताकद वाढणार असल्याचे शिवतरे म्हणाले. शिवतरे यांनी नाझरे गावात केलेल्या विकास कामांवर प्रभावित आम्ही राष्ट्रवादी पक्षात प्रवेश करण्याचा निर्णय घेतला असल्याचे प्रवेश घेतलेल्या ग्रामस्थांनी सांगितले.
यावेळी भोलावडे येथील सरपंच प्रवीण जगदाळे, रावडीचे माजी सरपंच मोहन बांदल, नाझरेचे माजी उपसरपंच विठ्ठल खोपडे, रमेश पाटील, ग्रामपंचायत सदस्य शरद खोपडे, रवींद्र खोपडे, जितेंद्र खोपडे, योगेश खोपडे, दीपक खोपडे, राजीव शेडगे, सचिन पाटणे आदी उपस्थित होते.