भोर इनरव्हिल क्लबच्या अध्यक्षपदी डॉ. विद्या बुरांडे

हिर्डोशी, ता. १० : भोर येथील इनर व्हिल क्लबच्या अध्यक्षपदी डॉ. विद्या बुरांडे यांची, तर सचिवपदी ॲड. अश्विनी कुलकर्णी यांची बिनविरोध निवड करण्यात आली.‌ शनिवारी (ता. ५) हा पदग्रहण सोहळा झाला.
माजी अध्यक्षा सविता कोठावळे यांचा कार्यकाल संपल्याने नव्याने या नियुक्ती करण्यात आल्या. या पदग्रहण सोहळ्यात दहावी, बारावीतील गुणवंत विद्यार्थ्यांचा, तसेच डॉक्टर, पदवीधर झालेले यज्ञेश उदय कोठावळे व कृषी कन्या स्वाती किंद्रे यांचा सन्मान करण्यात आला. यावेळी महाराष्ट्र अंधश्रद्धा निर्मूलन समितीच्या कार्यकारिणी सदस्या नंदिनी जाधव, डॉ. विद्या कदम, सीमा मुकादम, शैलेजा कोठावळे, विजया पाटील, राजेश्री शेटे, अनिता ताठे, निशा पाटील, डॉ. अरुण बुरांडे, डॉ. प्रदिप पाटील, डॉ. आशिष बुरांडे, निर्मला बिराजदार, दीपाली जाधव, स्वाती किंद्रे आदी उपस्थित होते.
सविता कोठावळे यांनी प्रास्ताविक; तर विद्या कदम यांनी सूत्रसंचालन केले. डॉ. अरुण बुरांडे यांनी आभार मानले.
आरोग्य, सौर ऊर्जा, व्यसनमुक्तीचे धोरणावर विशेष काम करणार असल्याचे नवनिर्वाचित अध्यक्षा डॉ. बुरांडे यांनी सांगितले.