राजा रघुनाथराव विद्यालयात शिष्यवृत्ती कार्यशाळा

महुडे, ता.२ : भोर पंचायत समितीच्या शिक्षण विभागाच्या वतीने पाचवीची तालुकास्तरीय पहिली शिष्यवृत्ती कार्यशाळा राजा रघुनाथराव विद्यालयाच्या सभागृहात शुक्रवारी (ता.१) पार पडली. गटशिक्षणाधिकारी राजकुमार बामणे यांच्या मार्गदर्शनाखाली झालेल्या कार्यशाळेला जिल्हा परिषद प्राथमिक शाळेतील ९० शिक्षक, सुलभक ७, विषयतज्ञ असे एकूण ९७ जण हजर होते.
कार्यशाळेसाठी तज्ञ मार्गदर्शक म्हणून महात्मा फुले विद्यालय भोसरीच्या मंगल अहेर-गावडे (भाषा), सुरजकुमार खोब्रागडे (बुद्धिमत्ता), औदुंबर भोगील (गणित), जस्मिन पठाण (इंग्रजी), अशोक गोळे (भाषा), गणेश बोरसे (इंग्रजी), श्रीधर गव्हाणे (गणित) यांनी डिजिटल स्मार्ट पॅनेलच्या साहाय्याने अध्यापनाचे कार्य केले. विषयतज्ञ सुनील गोरड यांनी समन्वयक म्हणून काम पाहिले. प्राचार्य लक्ष्मण भांगे यांचे कार्यशाळेसाठी सहकार्य लाभले. दरम्यान, जिल्हा परिषदेच्या प्रत्येक शाळेच्या शिक्षकांनी घटक निहाय प्रश्नपेढी तयार करण्याचे नियोजन केले आहे. त्यानुसार प्रत्येक आठवड्याला त्याचा सराव घेतला जाणार आहे. त्यामुळे शिष्यवृत्तीचा निकाल वाढण्यास मदत होणार आहे. माध्यमिक मुख्याध्यापक संघ भोर यांच्यावतीने ऑगस्ट महिन्यामध्ये खासगी व्यवस्थापनाच्या शाळेतील शिक्षकांचे कार्यशाळेची नियोजन प्रस्तावित आहे.