नांदमधील विद्यार्थ्यांना शालेय साहित्य वाटप

महुडे, ता. ७ : नांद (ता. भोर) येथील जिल्हा परिषद प्राथमिक शाळेतील विद्यार्थ्यांना वृथ इंडस्ट्रीज पुणे यांच्या वतीने व सेवा सहयोग पुणे यांच्या माध्यमातून बुधवारी (ता. ६) शैक्षणिक साहित्य वाटप करण्यात आले. नांद खालचे व नांद वरचे या दोन्ही शाळेतील विद्यार्थ्यांना विविध शालेय साहित्य वाटप केले. वृथ इंडस्ट्रीजच्या माध्यमातून ग्रामीण भागातील विद्यार्थ्यांना शैक्षणिक साहित्य देण्याचा हा पहिलाच प्रयत्न आहे. या पुढील काळात सुद्धा ग्रामीण विद्यार्थ्यांना शैक्षणिक साहित्य वाटप करण्यासाठी प्रयत्नशील राहण्याचे कंपनीचे अधिकारी स्वप्नील खोपडे यांनी सांगितले. याप्रसंगी वृथ इंडस्ट्रीजचे अधिकारी नीलेश पाटील, शैलेंद्र भिलारे, सेवा संयोग संस्थेचे जय जाब्रे, प्रियांका देशपांडे, मुख्याध्यापक अविनाश कुचेकर, नम्रता कुचेकर, विजया आंधळकर, पल्लवी गोसावी उपस्थित होत्या.