भोरमधील औद्योगिक प्रशिक्षण संस्थेत प्लेसमेंट ड्राईव्ह

हिर्डोशी, ता.१४: जिल्हा कौशल्य विकास, रोजगार व उद्योजकता मार्गदर्शन केंद्र, पुणे आणि सरदार कान्होजी जेधे शासकीय औद्योगिक प्रशिक्षण संस्था, भोर यांच्या संयुक्त विद्यमाने बुधवारी (ता.१३) प्लेसमेंट ड्राईव्हचे आयोजन भोरमध्ये करण्यात आले. या उपक्रमातून विद्यार्थ्यांना विविध कंपन्यांमध्ये रोजगाराच्या संधी उपलब्ध करून देण्यात आल्या. याप्रसंगी अनेक नामवंत कंपन्यांचे प्रतिनिधी उपस्थित होते. यामध्ये सुमारे ७५ प्रशिक्षणार्थ्यांनी मुलाखती दिल्या. यावेळी पुणे कौशल्य विकास, रोजगार व उद्योजकता मार्गदर्शन केंद्राचे जितेंद्र फडके, समन्वयक शरद कदम, एचआर व्यवस्थापक स्नेहा साबळे, संस्थेचे प्राचार्य सोमनाथ पुरी, महेश पवार, त्रिगुण आढाव, सोमनाथ आव्हाड, गायत्री पाचणे उपस्थित होते. प्रतीक जगताप यांनी आभार मानले. राजेंद्र घाटे, राजेंद्र शिंदे, शिवाजी टोपे व सर्व शिल्प निदेशक व कर्मचारी यांचे सहकार्य लाभले.